موقع الدراسة الجزائري الموقع الأول للدراسة في الجزائر
أولا مبروك لكل اللي نجحو في بكالوريا 2016 ان شاء الله مزيد من النجاحات ….
ثانيا حبيت نقدملكم بعض المعلومات على تخصص محروقات وكيمياء بومرداس:
هي كلية تابعة لجامعة امحمد بوقرة بومرداس وليس معهد كما يظن الكثير …قبل 1998 كانت معهد وكانت تسمى INHC المعهد الوطني للمحروقات والكيمياء…ومازال الكثير يعرفها بهذا الاسم …تعبير رمزي لا غير .
المهم نظام الدراسة 3سنوات ليسانس بعدها سنتين ماستر ثم دكتوراه..
العام الاول جذع مشترك تقرى فيها كيما قراية ST/SM
MATH / PHYSIQUE /CHIMIE موديل الوحدة الاساسية ….
بالاضافة الى
INFORMATIQUE /TP PHYSIQUE /TP CHIMIE /MSTH /METODOLOGIE
FRAINçAIS /ENGLAIS …
كل سوماستر (سداسي) وش فيه … عموما يوجد 9 موديلات تقراها في السوماستر والعدد قابل للزيادة او النقصان حسب الادارة الموديل هو المادة كيما في الثانوية -….
بعد العام الاول تدخل في التخصص …..كاين 12 تخصص على العموم
كاين اللي الخدمة في الصحراء ..وكاين اللي فالشمال في وحدات تكرير البترول ومصانع الكهرباء …..الخ
التخصصات لاباس بيها كل واحد كيفاه يشوفها وكل واحد عندو التقييم تاعو …
القراية لاباس بيها السنة الاولى تعتبر من اسهل السنوات تفوف تعرف السيستام كيفاه يمشي تجيب عامك بشكل عادي جدا ..
السنة الثانية صعبة نوعا ما بالنسبة للسنة الاولى خاصة السداسي 3 الذي يعتبر اخر جذع مشترك لكن اللي يقرى يجيب عامو بشكل عادي جدا ثم ابتداءا من السداسي الرابع الطالب يتخصص كليا ….
الاساتذة كاين اللي يصلحو وكاين اللي كوارث ربي يبعدهم عليكم ان شاء الله ….السنة الاولى نص نص
التخصصات المتوفرة في الكلية (يتم توجيه الطلبة حسب معدل السنة الاولى وحسب بطاقة الرغبات التي تملأ بعد نهاية السنة الاولى )
PRODUCTION/ FORAGE / MECANIQUES DES CHANTIER/MECANIQUES DES UNITES / TRANSPORT DES HC / GENIE DES PROCEDES / ELECTRICITE INDISTRIEL
/CAMMANDE/GEOLOGIE / GEOPHYSIQUE …
كاين شوية مشاكل في التخصص اللي لازم اي واحد راح يخير التخصص لازم يعرفهم باه مايندمش نهار يجي لبومرداس
المشكل الاول وهو اكبر مشكل …مشكل التوظيف ….بكري كان التوظيف مباشر اي اي كالب يخرج بالمنصب تاعو في سوناطراك لكن بعد تحويل المعهد الى كلية تجمدت اتفاقية التوظيف بين الجامعة ومجمع سوناطراك …ومن بعد اصبح التوظيف بعد اجتياز مسابقة وكانت الاغلبية من طلبة المحروقات تنجح فيه …ثم عند دخول نظام lmd تعفن الوضع تماما واصبح طالب كلية المحروقات هو وطالب st نفس الحظوظ لا توجد اولوية اطلاقا …حتى ان بعض التخصصات من جامعة باب الزوار التي لا علاقة لها بالمحروقات اصبحت لديها الاولوية على حساب تخصص محروقات !!!!!!!!!!
ويا ليت المشكل توقف هنا …كما هو معلوم اغلب المناصب متواجدة في الصحراء خاصة حاسي مسعود وحاسي الرمل .الحكومة اصدرت قرار وزاري باعطاء الاولوية في التوظيف لابناء الجنوب …مع ان كل المناصب تعطى عن طريق “لانام ” وكالة التشغيل المحلية هناك والتي تشترط ان تكون مقيما في ولاية ورقلة لكي تسمح لك بالتسجيل فيها والتسجيل فيها صعب جدا بالنسبة للغير المقيمين في الصحراء…يعني طالب المحروقات 5 سنوات وهو يدرس ثم في الاخير يأتي طالب درس تخصص st في ورقلة لا علاقة له بالمحروقات اطلاقا يعمل هو وطالب المحروقات يصبح بطال الى اشعار اخر …( القرار الوزاري جاء بعد احتجاجات سكان المنطقة ) …
اضف الى ذلك هناك معهد الجزائري للبترول متواجد في بومرداس IAP …هذا المعهد تابع لوزارة الطاقة ويتم فيه تكوين المهندسين والتقنيين …يفتتح هذا المعهد عادة مسابقة للدخول اليه كل عامين (مرة في العامين ) حسب حاجة سوناطراك للمهندسيين والتقنيين …بكري كانت هناك اولوية لطلبة المحروقات لكن الان لا توجد اي اولوية و المشكل انه يمكن لاي شخص متحصل على ديبلوم ليسلنس او ماستر في تخصص تقني مهما كان ان يجتاز المسابقة ….وحتى لو فاز طالب المحروقات في المسابقة هو مجبر على متابعة تكوين لمدة عامين اضافيين لكي يعمل وهذا التكوين اصلا فيه مادرسه خلال 5 سنوات في كلية المحروقات …يعني عامين تضيعهم من حياتك باطل ….هذه النقطة تم التحدث بشانها مع المسؤولين لتخفيض مدة التكوين الى 6 اشهر و ننتظر رد بخصوص ذلك .
المشكل الثاني في الاساتذة …كاين اساتذة ماشاء الله وكاين اساتذة فاشلين ويحطمو الطلاب …
كاين تخصصات الاستاذة تاوعها لاباس بيهم وكاين تخصصات فيها اسوء الاساتذة
GEOPHYSIQUE /GEOLOGIE …..كتخصصي
والحقيقة تقال انه مع مرور الوقت مستوى التخصص بشكل عام يتدهور والتكوين راه فالحضيض للاسف ….
المشكل الثالث في الخدمات الجامعية …النقل متوسط لا مشاكل تذكر فيه لكن الاقامات الجامعية سيئة نوعا ما خاصة الاكل كارثي جدا ….ننتظر تحرك الطلبة لتحسين الاوضاع العام المقبل لكن لا شيء مضمون اضافة الى مشكل تاخر صرف المنحة الجامعية دائما تاخر بشهر او اكثر عن بقية الجامعات …
المهم هذا ابرز ما في التخصص اي سؤال تفضلوا …..ورايي الشخصي للطلبة المتفوقين اصحاب المعدلات الجيدة ابتعدوا عن هذا التخصص ديرو المدارس العليا المتعددة التقنيات فيها تكوين جيد
على الاقل احسن من تكوين المحروقات …
معدلات القبول بالنسبة لتخصص محروقات وكيمياء
باك 2014 حبس معدل القبول عند علوم تجريبية 15.15 وعند رياضيات وتقني رياضي 14.03 .
باك 2015 علوم تجريبية 15.86 وبالنسبة للرياضيات وتقني رياضي 14.81
معدل القبول هو معدل الباك وليس مجموع الفيزياء والرياضيات وما الى ذلك ….
اي استفسار رانا هنا سقسو وربي يوفق الجميع …
كل الحقوق محفوظة
etudiant usmiste
