طالب محروقات و كيمياء ببومرداس يتحدث عن التخصص

كلية المحروقات
كلية المحروقات
السلام عليكم و رحمة الله و بركاته
و عليكم السلام


هل العمل في هذا التخصص متوفر ؟
خويا الحاجة اللولة الي لازم تديرها في بالك هي ـ الرزق على ربي
و فيما يخص العمل في هذا التخصص فهو متوفر مقارنة بالتخصصات الأخرى و لكن كاين تخصصات أفضل من تخصصات يعني لازم تقرا مليح في السنة الأولى باش يعطوك تخصص مليح
ما هي المهن الممكنة بعد التخرج ؟
على حسب التخصص و ليس بالضرورة في مجال المحروقات


ما هي المواد التي يتم دراستها ؟
تقرا عام و نص جذع مشترك و تقرا فيهم رياضيات و فيزياء و كيمياء و بعض المواد الأخرى كيما فرنسية و ألغوريتم…. اومبعد على حسب التخصص و كاين 12 تخصص و كيما قتلك كاين تخصصات أفضل من تخصصات و على العموم كلهم يعتمدو على الرياضيات و الفيزياء

هل الدراسة صعبة ؟
الدراسة ماشي صعيبة بزاف و ماشي ساهلة تدي على حساب قرايتك، تقرى بزاف تدي بزاف
برك
a jour لازم تكون

هل الدبلوم في هذا التخصص له قيمة و معترف به ؟
أكيد خويا


ما رأي طلاب هذا التخصص فيه ؟
أنا في رأيي راه تخصص مليح و من أحسن التخصصات في بلادنا


ما هي سلبيات و إيجابيات التخصص ؟
من الايجابيات اللي فيه أن التخصصات تاوعو موجودة غير في بومرداس يعني كي تدي ديبلوم تاعك عندك شونص كبير باش تخدم
و فيه الحظ تاع الخدمة باسكو راه علابالك بلادنا عايشة بالمحروقات
و من السلبيات أنه يعتمد على ثروة زائلة مي ماتخافش مزال البترول في بلادنا و التنقيب مزال متواصل و فيه أيضا تخصصات تخدم بيها خارج المحروقات