*********************************************************************
في إحصاء خفيف قمت به عن رواد الفايسبوك الجزائريين خرجنا بمايلي
**********************************************************************
99% معلبلهمش علاش راهم كونيكتي
82% من البنات يديرو سطاتي عن الخيانا ويديروه بيبليك بش كي حبيبها السابق يديلها زيارة يشوفو
91.033% من الدكور كي يدخل لفايسبوك مدامتو السابقة ميدخلش بتيليفون لأن إحتمال كبير جدًا يقيس الزر أجوتي و هنا من الممكن أن ينتحر نورمال
72% من المحجبات لي عندهم فايسبوك و أنستغرام يديرو تصاورهم في أنستغرام حتى بدون حجاب لكن في الفايسبوك تبارطاجي سورة الفلق . وبعض صور اللنجاس و أشجار الزمرد
85% من الشباب لي راح لفرنسا داير فوطو دو بروفيل قدام لاتوريفال
98% من البنات الأونكوبل متلقاش عندهم أجوتي أو حتى معلومة و متقدر تشوف والو فلبروفيل تعها وكأنها تعمل في إستخبرات كوريا الشمالية
91% من الفتيات لي دايرين في معلوماتهم الفايسبوكية je travaille pas je suis une princesse , رجليها تفلقو من التسياق و يديها حراشو من غسل لماعن و الأهم في ذلك جوزت أونطروتيان في كل مكان حتى في سوق نابق لبيع الجمال و مقبلوهاش
97% من البروفيلات لي فيهم تصويرة تع قاورية و يوجد مصطلح في الإسمأنوشا أو مينوشا ، فو بروفيل ورائه واحد عنده موسطاش قد تع معتز تع باب الحارة
99.99% من الفايسبوكيين يقراو الميساج ملفوق قبل بش ماتخرجلكش VU ، تم يشوف إذا يقراه و لالا ، و في حالة قتلو سلفلي دراهم من الممكن أنو مايزيدش يقرالك ميساج إلى الأبد
70% من الصفحات يسرقو ليسطاتي و يجمعون اللايكات بطرق بدائية مثل : إذا كنت تحب الشيطان لا تضغط على لايك ، أو يجيبولك تصويرة تع جرادا براس تع نمر ويقولك إن لم تكتب سبحان الله فإن بليس قد منعك
84% من الشباب لي عندو طونوبيل من العيار تقيل كلبيام و الأودي يتصور قدام المقود تع السيارة و يحطها ، أما لي عندو كيوكيو و ماروتي و ماشابه فإنه يتصور و يحرص أن لايضهر شيء ماعدا المقعد و وجهه القبيح ،
96.78% ماشي دايرين جام في صفحتنا و مايعرفوهاش
99% من الفايسبوكيين الجزائريين دايرين جام في صفحة زينو كادياس بلا رضايتهم
و الأقبح في ذلك أن 90% من أدامنة الصفحات شايفين رواحهم حاجة كبيرة تحسب عندو شركة وهو في الحقيقة عندو صفحة لوكان يسينياليوه 100 بنادم برك تتغبر
^_^
