فرغ قلبك | منتديات الدراسة الجزائرية

فرغ قلبك

smart one

smart one

:wel:هنا حباباتي كل واحد يقدر يفرغ قلبو بلي جات في بالو وحبها :cupidarrow::cupidarrow: هنا كامل تقدرو تحكو بلا قيود و الا حبيتو بلا ذكر اسماء
شكون لي حب يبدا معانا
 
الحمد لله تهنيت من حاجة كانت حاكمة قلبي كامل هاك خير ليا وليهم على الاقل كل واحد يمشي في طريقوا
والايام الجاية ان شاء الله تكشف كلشي
 
الحمد لله على كل شيء اختي هدي هيا الدنيا انا تاني راني مهمومة من اعز صديقاتي طعنتني في ظهري هدي هيا الصداقة قوليلي
 
كاين ناس توحشتهم بزاف وكاين ناس رماولي الما اي وي هادي هي الدنيا
انا المهم راني مهني راني نرقد بخير وانا نقول لي يحبني نحبوا ولي يكرهني نحبوا تاني هههه
وعجبني هادا المثل لي يحبك مابنالك قصر ولي يكرهك مابنالك قبر وشكرا لكم على هذه المبادرة
 
تع صح ليحبني لفوق راسي نديرو تاج ليكرهي حتى لصباطي نديرو سيراج يقولوها بزاف هادي
 
نعيشوا واش مكتب لنا ربي وخلاص ونطلبوا منوا الرحمة والفرج وغفران هادا كل شيء
 
هذ حال الدنيا الأنسان لازم توقع الخيانة من اي شخص الأن بكل صراحة تحطيت في هذ الموافق مرة وكان لي اعز الأصدقاء وضربني في ضهري راني لذركا مانسيتهاش
 
علاه و شكون اللي يقدر ينسى طعنة الظهر سيرتو من القريب للقلب بزاف وانا تاني مرت عليا هاذ التجربة من قبل
ايا واش راح نديرو اللي فات مات و يقولو عندنا اللي بدلك بالبصلة بدلو بقشورها
 
انتم مشكلتكم مع الأصدقاء مي أنا معنديش أصدقاء مشكلتي هي ناس دخلوا حياتي و نتلاقا معاهم وأنا مجبورة و المشكل الأكبر أنه عندهم تأثير على مستقبلي و بسببهم خسرت أهم حاجة و بدونها أنا الآن أعيش بين الأمل والحزن
 
انا مع كل شيئ حدث معايا اقول الحمد لله
انا وجدت في هده التعليقات الكل يعاني من خيانة الصديق انا اقول لكم
( لا تحزن ادا جاءك سهم قاتل من اقرب الناس الى قلبك فسوف تجد من ينزع السهم و يعيد لك الحياة و الابتسامة )
 
يجب تسجيل الدخول أو التسجيل كي تتمكن من الرد هنا.
عودة
أعلى