ايا فاثيوبيا ( الفقر / المجاعة / الامراض .... هاكم علابالكم ) كاين واحد السيد مسكين يشف قاتلوا الجوع بدا يراجع في نفسوا و يتفكر في حياتو و يتخيل في مستقبلوا .... لقاها مايش رايحة لبعيد هبط عينو لواحد البركة كانت قدامو شاف تمساح هاذ التمساح من الجوع مسكين تكا على ظهرو و شطوبو و عضامو مطراسيين. ايا خمم السيد هاذاك قال انا لا مستقبل لا حياة لا والو قالك نطيش روحي للتمساح ياكولني يشبع خيرمن ما تقتلني الايبولا ايا ضربلها تخميمة ربط روحو باه ما يدورش في هدرتو و يهرب من التمساح و راح قدام التمساح هاذاك و تكا. هو بدا يشوف التمساح جاي عندو طاحت الدمعة و بدا يتفكر في اجمل لحضات حياتو وفآخر خطوة للتمساح عرف بلي صاي وصل يومو ... قدم التمساح و تمعن معاه لمدة 2 دقائق باسو و قالو "حاشا طعام ربي" و مات التمساح غيضا
