ماذا كنت تكتب علي طاولة المدرسة

[اكرام شنكوتة]

السلام عليكم واش راكم نشالله راكم b1 ??

Alors : اكيد كل واحد/ وحدة فينا عندو ذكريات حلوة في المدرسة و حتي للي تخرجو يرجعو للوراء (ايام الدراسة) تعالو قولوا لنا :

ماذا كنت تكتب علي طاولتك او الكتب و الدفاتر
لا تقولوا كتبنا و طاولتنا نظيفة ......

اكيد انكم نتكتبوا و تبدعو و تظهرو في مواهبكم .(12)

pour moi nkharbech a ma table w nektb leklma letji fi rassi et sur tout f la séance de mathe w bien sur nekteb esmi kbal kolech (08)

وانتم كل واحد يقولنا واش كان يكتب فوق الطاولة تاعو

نشالله يكون عجبكم الموضوع و نتمنى تتفاعلو معاه

تقبلو تحياتي

 

[محبة الله]

hhhhh 3jebni bazaf

ana makontch nakteb mais kont dima nersom kol 7aja mais wallah kano yamat bezaf chabiiiiiiiiiiiiiiiiiiiiiiiiiin

mr6 7anouna 3la lmawdo3

 

[اكرام شنكوتة]

ميرسي

 

[محبة الله]

pas de quoi

 

[boutayena]

نكتب اسمي نرسم نخربش
و كي يعطينوا كاش تمرين ونكون مزروبة نحلوا فوق الطاولة ههههههه


---- شكرااااااا على الموضوع ----

 

[smartgirl]

ههههه

فالقسم نحب نرسم فالطابلة بزززززززاف
و كي نكمل نكتب عبارة تدل على الإبداع ههههه @ شوف و فوت تخرب أتموت

 

[linahac]

ههههه نكتب اسمي و نكتب اسماء المغنيين لي نحبهم و نرسم طاولتي هي اكثر طاولة مخربشة فلاكلااس تااعنا

 

[Yassi Yassi]

أنا في 2 و 3 متوسط كنت نرسم رسومات تجريدية ههههههههه
و نرسم مدن فيها ناطحات سحاب و نكتب حكمة الفوق
مي قبل ماكنتش نكتب والو
و في 4 متوسط طابلتي مسحت كامل واش فيها و كتبت في الطرف بالفاسور هههه
BEM2014
w Sabrina 90210
ةكنت ندير زوج خطوط على الS
زعما تاع الدولار
و العام هذا في الليسي طوابل كامل مخربشين و قدم
donc ماتعبتش روحي باش نظف
كتبت حرف S الفوق و رسمت في أخر العام قلب بحروف S صغيرة
و لازم يكونو معاها خطوط الدولار

موضوع مسلي

 

[serina]

موضوع شباب
انا نكتب اسمي و نخربش و نكتب حكم و اقوال و هاكا صوالح

 

[نتاشا]

حسنا توقعي الخاص وبالخط العريض
في كتبي اسمي بالعربي والانجليزي
والعجيب ان في كتاب الرياضيات حل لتمرين العلوم الطبيعية
وبما اني كاتبة فكتاب الادب مليئ بالاشعار
الكثير من الكريكتير وهدا ما اسميه بالابداع

 

[نوني]

كنت نكتب اسمي و اسم صحبتي دايمن

 

[حنين بوهنقل]

انا نحب نرسم فيها الانمي و نكتب حكم على الصداقة
و خاصة اسمي و اسم حبيبتي بثينة

 

[امال المستقبل]

نكتب اسمي واسم صحباتي ونوقعو فيها ونرسمو ههههههههههه مهم كي يكون قلم في يدي نبدا نخربش

 

[لؤلؤة الشرق]

هههههههههه لاتعد ولاتحصى مزخرفة
شكرااااااا

 

[سارة انوشة]

I hate you

 

[Yassi Yassi]

I hate you

واش هاذا؟؟؟؟

 

[basmat amal]

sujet شباب درتيه يعطيك الصحا
انا كنت نكتب اسمي طبعا والسنة الدراسية واسماء صحاباتي المقربين
وحاجة كنت نديرها لبنات كانو يضحكو عليها بزاااااااااااف
الساعة التالية من ال11 الى ال12 كي طول الساعة ونمل ونتعب ونجوووووووووووع وننعس ههههههههههه
نرسم سااااااعة ونبدا نحكي معاها ونقولها صوني صوني انا كرهت ههههههههه

 

[maral]

نكتب اسمي و نسيل الحبر و نرسم الورد و شكرا على الموضوع

 

[ملكة الزمان]

ههههههههههه اه على يامات زمان
كامل كنتو تكتبو اسماءكم مام انا نكتب اسمي amel l'espoir

 

[am not a crazy]

انا نوصف طاولتي فيها قلب مقسوم فيه سمايا و سما صحبتي لي حدايا و فيه اغنية لتايلور سويفت وكاتبين فيها تحيا كلاصتنا و فيها ارقام و معلومات اللي ممكن يجونا في امتحان و الاساتذة ما يكتبوهوملناش و فيه وجوه حزينة و مبتسمة و برامج نتفرجولهم