اعطينا رايك | منتديات الدراسة الجزائرية

اعطينا رايك

انا نقولك اختي العزيزة:icon28:

هي الدوة ما عندي ما نقول فيها (2015) خليني ساكتة خير
مي كي جبدتي السوجي درك نفرغ قلبي

كاش ما قرينا؟؟؟؟؟؟؟؟؟؟؟؟؟.. طول العام و احنا في الاضرابات
و كاش شيوخا ملاح؟؟؟؟؟؟؟..طول العام و احنا نجريو لليكور
..........و نزيدلك
انا جامي لا شفت دورة تاع باك فيها دي سوجي غالطين :icon1366: غير عند وحد الناس:thumbdown:
ديجا العربية هبطتلنا المورال
و ديك الماط ..........شواونا و قلاونا و زيد السوجي غالط
بلا ما نحكيو على الفرونسي............ههههههه رسالة رئيس الجمهورية في دكرى 60 اندلاع التورة بالفرنسية:crazy::crazy:
يعني احنا فهمناها بالعربية حتى يحطوهالنا بالفرنسية:dunno::dunno:

.........و خلي و خلي:tears::tears:

و الاخيرة ......راني سمعت قالو انو الشيوخة مقرفين و ما حبوش يروحو يصلحو الاوراق:eek::icon1366:



هدا الكل و هوما ما يهمهمش :lat3:





مي السؤال اللي يطرح نفسو: في شكون جات؟؟؟؟؟؟:help:

باينة غير فينا:icon1366::icon1366:
 
راني من اول العام و انا متوكلة على ربي
اللي يتوكل على ربي ما يخيبوش
و ان شاء الله ندي الباك
 
الباك عام السنة INCROYABLE بالطريقة السيئة لانه MAT شيبونا والعلوم طولوها و الادب غلطو فيها بصح ما عليش ربي خير و ان شاء الله قاع ندو الباك
 
انا تاني جوزت الباك هاد العام و مانقولوش كان ساهل مي الله يدير الخير ان شاء الله و ربي يوفقنا كاملين اااااااااااااااامين
 
السلام عليكم.
صح أنا حتى العام الجاي ان شاء الله باه نجوز الباك.
مي حساب ما شافت عيني وما سمعت......
الباك تاع السنة شكشوكة بكل معنى الكلمة. ههههه مي كيما فالت الأخت ما يسلكها غير الطالب المسكيييييييييييييييييين لي قضى عمروا كل في التعب و مبعد هذا هو جزاه........................
 
عندي صديقتي نور فوتت الباك علوم تجريبية قاتلي اسهل منه مكاش
موالفة تدي فآل فصول 17
 
الباك راح بكري ودرك ما ابقاش بكري صح كان الي يجيبو ب 10 قاع الناس يفرحولو اتقول ادا18 و درك الي يدي 18 ما يحسولوش لانه كي الي يقرا ولي ما يقراش كيف كيف وانا عندي السوجييات تاع السنا ساهلين و كل واحد و كيفاه
 
يجب تسجيل الدخول أو التسجيل كي تتمكن من الرد هنا.
عودة
أعلى