مهنة المستقبل لتلاميذ الثانوية | منتديات الدراسة الجزائرية

مهنة المستقبل لتلاميذ الثانوية

Yassi Yassi

Yassi Yassi

ممكن مشاركة لكل من له رغبة خاصة تلاميذ الثانوية لتبادل المعلومات و أصحاب المهن للاستفادة من الخبرات :help:
أنا سأصبح في الثانية ثانوي الموسم القادم أحب الرياضيات ومع عدم توفر هذه الأخير في ثانويتي اخترت شعبة علوم تجريبية كبديل. أود الدراسة في المدرسة العليا للأعلام الآلي لكن الحديث عن قلة مناصب العمل و تدني الراتب جعلني مترددة و الاختيار بينها وبين الطيران بالبليدة حيرني :crazy: لا أهوى الطب لكن الصيدلة ممكن في أشد الحالات .... أتمنى لو يحدثنا الجميع عن رغبتهم و كيفية الوصول للهدف ..... أريد فقط الاستفسار عن فرص العمل لمهندسي الدولة في الإعلام الآلي و الراتب إذ أمكن و عن عمله بالضبط . أي بماذا يقوم بالتحديد في عمله ؟؟:help:
 
سلام انا نقرا الثانية ثانوي رياضيات وسبحان الله مام انا راني داير في بالي الطيران ومهندس دولة ورياضيات واعلام آلي
ملاحظة طيران تاع البليدة ماشي تسوقي الطيارات مام انا كنت حاسبها طيران مي ظهرت هندسة الطائرات
وشكرا لك
 
مرحبا انا سمية نقرا 2 تقني انا كنت حابة مدرسة عليا ومبعد كيما قريت هندسة الطرائق لهي كيمياء جا في بالي ندير صيدلة ولا محروقات
 
fouzib قال:
سلام انا نقرا الثانية ثانوي رياضيات وسبحان الله مام انا راني داير في بالي الطيران ومهندس دولة ورياضيات واعلام آلي
ملاحظة طيران تاع البليدة ماشي تسوقي الطيارات مام انا كنت حاسبها طيران مي ظهرت هندسة الطائرات
وشكرا لك
أنقر للتوسيع...

شكرا على المعلومة أنا نعرف كاين في طفراوي/وهران مدرسة عليا للطيران مي عسكري و يقولو غير لتلاميذ أشبال الأمة :icon1366::icon1366: علاه بلادنا هاكا دوكا كيفاه ندير باه نكون طيارة و الأهم واش يخدم مهندس الدولة في الأعلام الآلي و شحال يجيب في القطاع الخاص نعرف في القطاع العام 32000دج و في شركات ملاح كي الراديو حوالي 50000 ,,,, بالمناسبة عندك زهر كي راك تقرا رياضيات
 
soumia mkrc قال:
مرحبا انا سمية نقرا 2 تقني انا كنت حابة مدرسة عليا ومبعد كيما قريت هندسة الطرائق لهي كيمياء جا في بالي ندير صيدلة ولا محروقات
أنقر للتوسيع...
أختي حاجة مليحة بزاف مي بلاك تلقاي صعوبة في المحروقات هي ساهلة كي راكي تقني مي المجتمع مايقبلش المرا لي تخدم خدمة كيما يقولو هوما (تاع رجال) نتمنالك التوفيق و الراتب فيها مليح كاين في بومرداس (مليحة و مستواها عالي) و ورقلة (تتميز عن بومرداس بالتطبيق أكثر و ذلك للموقع الجغرافي )
 
ملاحظة أخرى بالنسبة للغات عند دراسة محروقات يهتمو أكثر بالإنجليزية لأنو في العمل عند التخرج معظم الشركات لغتها الأولى الإنجليزية
و ممكن الاستفسار أكثر حول هندسة الطائرات ( العمل/الراتب/ظروف العمل) و هل العمل يكون في المطارات؟
 
شكرا اختي على المعلومات راني نخمم نروح طيران عسكري دوموندي 12 شعبة رياضيات وتقني و13 شعبة علوم
ونقراو عام كامل كيف كيف مع البحرية امبعد نروحو لوهران
 
fouzib قال:
شكرا اختي على المعلومات راني نخمم نروح طيران عسكري دوموندي 12 شعبة رياضيات وتقني و13 شعبة علوم
ونقراو عام كامل كيف كيف مع البحرية امبعد نروحو لوهران
أنقر للتوسيع...
لا تستهويني المدارس العسكرية بصراحة لأنو بعد التخرج راح تتقيد بحوايج بزاف كيما مكان العمل خاصة أنا حابة نخدم بريفي و نتمنالك غير الخير إن شاء الله توصل لوين راك حاب
 
امين شكرا لكم انا نحب المدارس العسكرية منها مستقبل زاهر وانضباط
 
امال المستقبل قال:
مهنة روعة بصح ما تنسيناش في محروقات كاش ما تصدريلنا ههههههههههه
أنقر للتوسيع...

انا عندي صاحبي في ورقلة راهو يقرا محروقات راهو فالعام الثاني ودار تخصص تنقيب
هههههه قالي مازال 20 سنة هكاك يخلاص البترول غير روحي صيدلة الناس راهي تمرض ههههه
 
آمين يا رب
أنا المهم عندي الجامعة في المستوى (مدرسة عليا)+ حرية اختيار مكان العمل كوني امرأة+ الراتب ( المعيشة غالية)+ الشهادة معترف بها وأنا مايهمنيش صعيب ولا ساهل ( الحاجة أم الاختراع) و الزهر كامل عند الذكور يقدرو يخرجو برا ولا يديرو مدارس عسكرية كيما يحبو و نتمنى واحد يجاوبني ....:icon1366::icon1366: واااااااش يدير مهندس الدولة في الإعلام الآلي؟؟؟:icon1366::icon1366:
 
يجب تسجيل الدخول أو التسجيل كي تتمكن من الرد هنا.
عودة
أعلى