بنات شو رايكن نخلي هالملف حق احتياجات المنزل الجديد.. لأنه أكيد في ناس وايد تحتاج لما تنتقل لبيت جديد .. وما يجي على بالها كل شي... وان شاء الله تعم الفائدة للجميع
وبإذن الله ببدأ بالموضوع
غسالة
ثلاجه
فريزر
هلا قلبي موضوع حلو مثل صاحبته ....بالنسبه لي لمن انتقلت لبيتي طبعا احتجت اشياء كثيره من مفروشات واجهزه للمطبخ .... والحمدلله انو نحن في الاصل كنا حاسبين لها الموضوع وموفرين الماده لذلك بس فعلا الشيء اللي تحسرت وندمت اشد الندم اني سويته اني عملت ستاير للمجلس الرجال قبل لا اشتري اطقم الكراسي الحين مو محصله كراسي تتماشى مع الستاير عشان كذا بافكر اشيلهم خير شر ............بس بصراحه مفي مثل الواحد يفرش بيته على مهل ويختار الاشياء المميزة اللي تناسب ذوقه وشخصيته الحمدلله انا الحين فرشت نصف البيت تقريبا وباقي النصف او اكثر من النصف واشتريت معظم الاجهزه مثلا عندي ثلاجتين كبار وفريزر طباخه كبيره فرن للكيكات واجهزة الخلط والتوستر والكاتل وجهاز عمل التوست المثلث وجهاز لفرم اللحم والكباب والكيك ولعمل التشيز كيك وبصراحه احتجت كثير اطقم من طقوم الشاي والصحون والاكواب شيء للبيت وشيء للضيوف وشيء للوناسه ومحتاجه بعد الكثير من السجاجيد والاشجار والانتيك والاكسسوريز وزوايا عندي الحين فاضيه بس ان شاءالله راح اسوي افكار جديده واذا عرفت انزل صور راح انزل ونا متابعه للموضوع فنرجو التفاعل
موضوع حلو بنت_ رأس الخيمة
في البيت اضن كل وحدة تبدأ بالضروريات كما ذكرت كل احتياجات المطبخ و الجلوس و النوم و الخزائن
و كل واحد حسب ذروفه المادية
هناك من يريد ان يأثث مرة وحدة لكن عليه ان يرضى بما هو موجود في الاسواق
لاننا في اغلب الاحيان لما نبحث على شيء معين و بلون او شكل معين لا نجده بسهولة
و عن تجربة اخير ان يكون التأثيث بتريث من غير تسرع في الشراء خاصة الكماليات
و هذا ما فعلت في بيت العمر اشتري لما اجد ما يناسبني فعندما اخرج للمغازات للتفرج فقط
ان عجبني شيء اشتريه و رب صدفة خير من الف ميعاد
