البكالوريا حفظ وتطبيق

[nesrine rine]

السلام عليكم
انا كنت طالبة في البكالوريا دفعة 2010 وتحصلت على معدل 14 في الشهادة
وانا رايحة نعطيكم الخطة اللي مشيت عليها انا وجماعتي كنا 15 شخص بنات و اولاد
*كرر هادي الجملة مع نفسك " I can do it" ."نقدر نديرها" اكتبها في كراسك كل مرة في السبورة في ورقة وعلقها عالحيط .أي الارادة والتوكل على الله
اولا:اوقات الفراغ ثم اوقات الفراغ اغتنمها حتى لو كانت نصف ساعة والله ربي يطرح فيها البراكة
--في الصباح في وقت الدراسة كنا ندخلوا للثانوية على الساعة السابعة و الربع نجلسوا في القسم ونحللو التمارين اللي اخترناها لانفسنا لغاية الساعة الثامنة وكنا نتبادلوا الافكار في الحل والفكرة الصحيحة نحتفظوا بيها والغالطة ناقشوها في السبورة مع بعض حتى نوصلوا للصح.
--بعد الغدا من ال12.30لغاية بداية الدوام المسائي نفس الفكرة تاع الصباح وكنا نحظرو للدرس الجاي اللي رايحين نقروه مع الاستاذ.
--من 4مساءلغاية 5 نبقوا في الليسي ما نروحوش نحلو كذلك تمارين جدد.
--الليل بعد الصلاة تراجع وش قريت و وش رايح تقرا غدوا.
وهك داومو عليها والله تلقوا روحكم محضرين بدون ما تتعبوا من الحفظ لأنو لازم تطبيق فوري لكلش تقروه
وتولوا انتم تتحكموا في السؤال وفي الاجابة وتصيرو تعرفوا الطرق المختلفة في صياغة السؤال و توظيف المعلومة.
ثانيا :نهاية الاسبوع استغلوها في الدعوم ادا مسجلين وجهزوا الاسئلة اللي مش فاهمينها للأستاذ حتى يساعدكم اكتر.
ثالثا: ابتعدوا عن الشات عالانترنت والا نقصوا منها لأنها تاخد من وقتكم وتتعبكم.
اما المواد الادبية كالاجتماعيات استعملوا الاختصارات يعني بأسلوبكم الخاص بالطريقةاللي تسهل عليكم الحفظ كالرموز او ربطها بالواقع وحتى بالاشخاص هي فكرة غريبة شوي لكن فعالة والله

وإنشاء الله تنجحوا​

 

[سهام 19]

شيء جميل
بارك الله فيك اختاه

 

[sousou2015]

مشكورة كتيييييييييررررررررررر

 

[assia_ghe24]

نعم أختي واش قلتي كامل صحيح بصح هذيك في وقتكم وقت الصحبة الي تنفع حنا درك والله العظيم كي يروحو يراجعو يروحو 5 عباد سعات أقل ومايقولوناش يجيبو كاش حاجة تخص الباك يقراوها بين بعضاهم يبخلو حتى في العلم مي وكيلهم ربي سبحانو هو لي ينجه وهو لي لعكس...