الحفيد البكر | منتديات الدراسة الجزائرية

الحفيد البكر

حال بعض الناس.
نحن الأن في المدرسة لا قراية ولا دراية بواش راه ساري مافماش حاجة تربطني بيها غير والديا يدزوا فيا تعريفي للمدرسة حمل رزمة من الكتب والكراريس والكتابة نكتب سطر ونخلف زوز المهم والأساتذة كائنات فضائية بلغة عبرية مكان الجلوس الطاولة الأخيرة ولا نسميوها مطرح من كثرة التكسال المئزر وكأنوا كفن ملحوش في الكرطابلا يخرجوا غير كي يشوف باباه ولا طاقم الادارة وعندوا حزمة من التقارير والمجالس التأديبية يلحقوا الفر وض والامتحانات نفس الريتم التغيير الوحيد في انو مايديش الكرطابلا ويدي غير تروس في الدار يندب عليهم ومشي رايوا يبعبش الكتب تقول رايح يعوم فيهم ومن تحت تلقاه يكونيكتي ويقول خرجوا لولاد راهم يديرونجيو فيا ااه والأم توفر كل سبل الراحة وتتحول سارفور وشيفور من لخر بونيشة وكي يقربوا وقت المعدلات يبدا يوجد في الأرضية المتينة لي رايحا ترفد لكوارث نتاوعوا ويبدا يحسن السلوك ويكثر من تصباح والسلام على الرايح والجاي ومنبعد يولي يكسب في التحالفات خاوتوا عماتوا خلاتوا ومن بعد تليها مرحلة توجيد الادلة والبراهين وتقضي انو يجيب ناس أغبى منوا ولا ناس ما جوزوش الامتحان باش يبان عليهم زعما وأخيرا الورقة الرابحة يبدا الطفل يصد للقبلة بعد ماكان هاجرها ويطلب السماح من عند لي ظلمهم مع العلم انو الرود كامل يشكي منوا وتلقاه ما يخلف حتى صلاة ويحفاو رجليه وهوا رايح جاي للجامع ومن ورا الصلاة يتبرع ويسيق الجامع مقابل دعوة نجاح وكي تخرج النتائج ويكون مطلع الموسيو ب10اااه مات من الفرحة وتشدوا قلبة سكتية من العيار الثقيل وينحي لعمامة والقندورة ويرجع للسراول الجينز لمقطعين ويقلب الدار على الجال نتاعوا ويرمي الأدوات من الفرحة ويروح للسيام ويقلها باي باي تهنيت منك لوكان جات تنطق كانت زغرتتلوا تهنات منوا يا ما حيوط زركشها وياما تواقي كسرها وياما عمايل سودا كان ليه النصيب الأكبر من الاخير عندوا ملف جرائمي أسود ويقلك راني جوووونتي
حباب صلاحوا من الدرجة الاولى مصلحجي مام مع أقرب الناس ليه والان خليتوا يوجد في مخطط العمل الخاص بليسي بعد ما ضمن البيام باليد المليانة
وقعدنا حنا (يعني عماتوا ) لي كنا نضربولوا في الشيتة ونقودوا لابتغاء 20ألف ضحايا سرقنا عيناني ياما مرمدنا بغباؤ
يا جماعة هذه بعض الأمثلة لغباؤ الخارق لي واجهتني في طريق تحضيروا للبيام .
اعراب مابين قوسين اعراب جمل بالمقابل عرب كل كلمة وحدها كي كمل دارهم بين قوسين
في الانجليزية نصحتوا باه يديرهم كامل صحاح ولا كامل غالطين جاز السؤال وراح خير وحدا برك قريب سويسيديت
المهم في العلوم البيانات السيد صاحب اكبر المخ أكدلي بلي نصيحتين هوما الأم توكل بنها الحلويات باه يديرولوا لغلوكوز مع العلم عمروا 6 أشهر
اما في الاسلامية تقوله يهودي عمروا ماسمع برسول الله الحديث كملوا بالنقاط .......ربي يعاون المصحح
المهم العايلة كامل عايشا تحت تأثير صدمات والصغار تحت تأثير كدمات ولكمات خرج القلقة نتاع 7 أشهر لا بحر لا خرجة وزيد كورونا
الشيء الوحيد لي عجبوا في الامتحانات هو الكسوة الجديدة المصروف الزايد وصحباتوا لي كان متوحشهم يعني صورة برك الصوت ديما يسمع فيه أمو حاليا رايحا تجن خاصة أنها سمعت في وقتها وباقي ولادها باه تقريه وباباه راه يوجدلوا في الفاليزة ناوي يبعثوا لكاش جمعية نتفكوا من وعارتوا ويحمصني كي يقول عندي مواهب مدفونة بصح مانيش حاب نحفر عنها 8dfb6a4e328664da1916bf94946af55b.jpgيا جماعة ياترى فما عندكم شكون يشبهلوا ولا نن؟ اذا لالا نروحوا للبسيكواا سلام
 
عودة
أعلى