في الجزاير برك ....برك | منتديات الدراسة الجزائرية

في الجزاير برك ....برك

._.Romaissa._.

._.Romaissa._.

في الجزائر

كي يحبس الستيلو يحكوه ويعبزوه ويديرولو تنفس اصطناعي تقول بنادم غرق

والمشكل نو الستيلو يرجع يكتب

تحسو انو يقولك . خلاص راني رجعت نكتب كنت غير نتمسخر معاك



تلقاهم كامل متفقين انو الكوري والصيني والياباني

كاامل شناوة



كي يطيح طفل صغير فالارض كامل ينوضو يغنولو

والمصيبة انو هادا الطفل ينوض يشطح



التلاميذ كامل يحبو جملة .

نكتفي بهاذا القدر نكملو المرة الجاية

تقول طلقوهم مالحبس



اذا قعدو فالحشيش لازم يقطعو منو

مستحييل يقدرو يقاومو الخروف اللي داخلهم



تلقاه حافظ 2 اسامي تع كتب

يولي يحتسي القهوة بعد ماكان يشربها



لازم في كل دار تلقى ساشي فيه ساشيات فيهم ساشيات

محطوط فالكوزينة



تلقاه يشري باطة تع عصير يشربها

ومبعد يبدا يقرا في المكونات ونهاية الصلاحية وقتاش



الجزائري

فالطوفولة يهرب من المدرسة

وفالمراهقة يهرب من دارهم

وفالشباب يهرب من بلاده

باختصار خلق ليهرب



تلقاه كي يشري حاجة يديرلها الصولد 70 بالمية

هاكا غير باش يسلك ومايسمعش العبارة الشهيرة

حشاوهالك

وهاكاك وياربي اذا سلك معاهم



ايا تبقاو على خييير وماتنساوش كومونتار طلعونا شوي مورال ولا تهبطوه كيما تحبو المهم كومونتار راه قتلنا الديقوطاج


منقول​
 
المشاهدات 16 وماكان حتى رد
شكرا جزيلا ^^
التفاعل في المنتدى 00000
اخر دخلة ليا ان شاء الله لهاد المنتدى
سلام
 
._.Romaissa._. قال:
المشاهدات 16 وماكان حتى رد
شكرا جزيلا ^^
التفاعل في المنتدى 00000
اخر دخلة ليا ان شاء الله لهاد المنتدى
سلام
أنقر للتوسيع...
وعلاه يا رميساء!!!!!علابالك من الاعضاء القدم لي قعدو يتحسبو باصابع اليد .واذا رحتي انت ثاني راه نقص عضو!!!خليييييك بليييييز ماتروخيش وزهينا بمواضيعك .

صح هاذووو كامل كاين منهم .وانا واحد من ناس نحكم الستيلو ونعبزو باه يكتب ولا نحيلو راسو ونديرلو تنفس اصطناعي من الجهة المعاكسة ويولي جديييد .ههههههه

مشكورة رميساء على مواضيعك الشيقة.
 
majidslimani قال:
وعلاه يا رميساء!!!!!علابالك من الاعضاء القدم لي قعدو يتحسبو باصابع اليد .واذا رحتي انت ثاني راه نقص عضو!!!خليييييك بليييييز ماتروخيش وزهينا بمواضيعك .

صح هاذووو كامل كاين منهم .وانا واحد من ناس نحكم الستيلو ونعبزو باه يكتب ولا نحيلو راسو ونديرلو تنفس اصطناعي من الجهة المعاكسة ويولي جديييد .ههههههه

مشكورة رميساء على مواضيعك الشيقة.
أنقر للتوسيع...

ربي يدوم الضحكة مجيد
بصح كاين لي يدخلوا يقراو الموضوع يضحكو يفرحو روحهم مي مايفرحوش مول الموضوع
 
._.Romaissa._. قال:
ربي يدوم الضحكة مجيد
بصح كاين لي يدخلوا يقراو الموضوع يضحكو يفرحو روحهم مي مايفرحوش مول الموضوع
أنقر للتوسيع...
واش نديرولهم يا اختي .احنا رانا نديرو لي علينا وهم اكيد يجي نهار لي يتوحشو فيه صداقتنا ويرجعو ساعتها يلقاوو مواضيعك ويعلقو وتفرحي وتضحكي من قلبك صدقيني!!
 
يجب تسجيل الدخول أو التسجيل كي تتمكن من الرد هنا.
عودة
أعلى