خدعت روسيا دون تاشيرة ولهدا يجب ان لا تدهب | منتديات الدراسة الجزائرية

خدعت روسيا دون تاشيرة ولهدا يجب ان لا تدهب

sweet girl alg

sweet girl alg

سلام وعليكم اليوم جيت نهدر على الموضوع يلي حيرني مين شفت وحدا الفيديو غير من العنوان راه باين
كيما علابالنا قاع بلي روسيا راهي فتحت الجهة الشرقية منها انك تقدر تسافرها بدون تاشيرة
المهم تخيل انت واحد رايح يقرا الجامعة صباح ربي تتلاقا مع واحد عندك كونطرول على 8 يقولك محمد مراكش رايح لروس شوالا نروح لروس نروح اختك ايا نقولوا راني رحت شكون يصرف عليا شوف صديقي لوكان مجيتش رايح لروس زعما قاصد لبلا رايح لبلاصة ديركت متروحش كيشغل روس ماشي زعما راك رايح لوهران ولا نعامة ولا بسكرة راك باغي تفوت 2 قارات يا صديقي
هادي الفرصة تاع تسافر بدون تاشيرة عطاوها لقاع لعرب ماشي غير الجزائر امالا علاش غير الجزائر لي يديروا هادو صوالح نورمال راك فاهم متحلبش خليها تبرد سيمانة ولا
وانا والله لشوكاني عباد نعرفهم والله ميخرج من حومته اقسم بالله ميخرج وكي يبغي يحفف يروح عند باباه يعطيه الدراهم ايا تلقاه فالفيس بوك يقولك باغي نروح لروس شوف الطموح امحمد عند لعرب يقولك نروح لروس ماشي يقولك راني رايح نتزوج بروسية لا يقولك راني رايح عند ماريا شارابوفا ااامحمد يروح ديراك عند ماريا هنايا في الجزائر العلجية ماطارتلهش يروح لروس ديراكت عند ماريا شارابوفا كيشغل الجزايريين شواكر هي حنا شواكر بصح ماشي حتى لهادي الدرجة راك فاهم احترموا العقول ماشي انت هنا مبهلل باغي تروح تعيش فروس ويدير مشاريع شوالا الا متشكلش راك كبير دير على المنطق انا مرانيش زعما نطيحلك فالمورال
هو اي واحد تروح ليه يقولك غادي نتزوج باوروبية علابالنا بلي قاع لولاد يفكروا هاكدا بصح ماشي لهادي الدرجة هي كيشغل صاريلها كلي راك تحل في موضوع تاع رياضيات راك تحل علابالك بلي راك تشكل علابالك بلي راك غالط بصح لا كيشغل محاولة المهم منخليش الورقة خاوية كيما هاكا حنا الجزايريين هو علاباله بلي مغاديش طيرله وحدة اروبية بصح هو في صميم قلبه علاباله بلي مغاديش يتزوج وحدة اروبية
المهم كيغادي تروح لروس مغاديش تتبدل لبلاد غادي الشعب هو لي غادي يتبدل امالا هادي غير نساها لخاطرش لوكان تروح الشعب الجزايري قاع غادي يروح نورمال يفوت عليك واحد لابش القشابية عرف بلي الرواسا غادي يولوا جزايريين ديراكت

المهم هادا هو الموضوع لي حبيت نهدر فيه المهم علقوا وتفاعلوا باش نحس بلي كاين يلي راه يقرا ويتفهم ماشي غير وحدي نهدر
 
التعديل الأخير:
انا كلمة نقولها لي ماهو ليك غيير يعيييك!!
كل واحد يحكم بلاده ويطورها.
 
يا عبورة الصغيرة واش دار فيك البيام!!!!
راكي حابة تهربي للروس!!هههههه
قالك يا الرايح وين مسافر تروح تعيا وتولي ...عذي كلمات دحمان الحراشي .
انشاء الله كل واحد يقعد في بلاده ويخدمها ويطور بيها وما نبقاوش نحلموا ببلاد غيرنا.
 
شحال ندموا لعباد الغاليين قبلك وقبلي هههههههه
شكرا على اهتمامك
وبالنسبة للبيام مايجي يخرج نكون هبلت خلاص
 
هل هذا الموضوع بقلمك ؟ هههههه الحقيق شوكيتيني أول مرة نشوف موضوع خاص بك فيه كلام مقنع ماشي قصدي استحقار لكن بصراحة الموضوع اللي طرحتيه إذا كنتي أنتي من كتبه فقد أعجبني الموضوع وصحيح معك حق في كل شيئ قلتيه موضوع جيد شكرا لك
 
لا داعي لشكر فقد اخجلتني ههههههههه نتمسخر برك انا يخي قلتلك مين يجيني لهبال يجيني ونولي منجملش نبدا غير نهدر بلا من نوزن عاد من ربي مقلتش كلمة ماشي في محلها
 
مقصودي أنك موالف تطرحي أفكار صبيانية يعني في السن تاعك هههه
بصح هذا الموضوع فيه أفكار تاع عقل كبير علا عقلك علا هذا ندهشت بالاك نتي كتبتيه وماكيش عارفة واش فيه من افكار ههههه المهم مشكووورة
 
حنونة ربي ينجحكم وبنسبة لروسيا باينة باش يخدمو فيها ويطوروها وتخلي جزائر دولة ضعيفة هذا ماكان ونشالله شباب بلادنا يتفهموا هذا الامر ويقعدوا مع ناس وفاميلتهم وفي بلادهم
 
hicham3h قال:
مقصودي أنك موالف تطرحي أفكار صبيانية يعني في السن تاعك هههه
بصح هذا الموضوع فيه أفكار تاع عقل كبير علا عقلك علا هذا ندهشت بالاك نتي كتبتيه وماكيش عارفة واش فيه من افكار ههههه المهم مشكووورة
أنقر للتوسيع...

انا اصلا لوكان تعرفوني مليح ماشي بنت ولد كيما نقولوا حنا في وهران ماتشوا ههههههه مع هبالي كملت الباقي يعني متخافوش والديا تاكلين عليا في الشدة نقدرلها
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى