هبطنا من الطونوبيل قلتلها كاتيا دقيقة نعيط لواحد صاحبي قاتلي اوكي. المهم كلمت موح و قلتلو جيب الفيسبا نتاعك وروح لبلاصة الفلانية وريتلو الفيلا نتاعهم قلتلو ستناني برا كاشما يصرا راني نكلمك قالي اوكي. دخلنا انا و كاتيا لدار حنا غير دخلنا حكمتني الدوخة ههههه لاpiscine وجنينة وعندهم 2 كلاب كانيش تنسى بلي راك في دزاير قعدنا في وحد الطابلة برا هي دخلت لدار و انا بقيت وحدي حتى وين شفت واحد السيد خارج من الدار لابس سيرفات لاكوست ولابس آؤيني انا قلت خلات درك يقطعني لمهم انا بديت نشهد هههه وزيرت روحي باش اذا ضربني منحسش بيها ههه لحقليا قالي slt cv??? لتم عرفت بلي حبيبنا من جماعة الشاب عبدو و هواري منار بلا ما نكمل راكم فاهمين ههههههه قتلو انا انتيك الحمد لله قالي très bien سقساني نتا هو هشام قلتقلو وي انا هو قالي الله يبارك شباب ههههههه قلتلو يبارك فيك قالي انا نونو خو كاتيا. المهم قعدنا نقسرنا شوية مبعد قلتلو راك لابس آريني ماشي ساهلة قلي لبارح شريتها حرة قلتلو بلينة سقسيتو شحال pointure قالي 40 قلتلو ديرلها سومة؟؟؟ قالي ما فهمتكش لتما عرفت بلي نونو ما يفهمش لغة الشارع قلتلو شحال تبيعهالي قلي لالا مانبيعش قتلو اوكي المهم جا papat كاتيا وماماها كاتيا قعدت قدامي و شدتلي ايدي انا غير شدتلي ادي قدام باباها و خوها بديت نوجد في روحي للهربة هههههه .ما قالو والوا لتم عرفت بلي دار الزجاج عايشين معيشة نتاع قور هههه امبعد بداو يلحق فالماكلة هذا كروفات هاذ لحم مشوي و هذا لحم مقلي المهم كل انواع اللحم و الحوت بدينا ناكلو ة نقسرو هوما يهدرو بالفرونسي و انا نقول oui no je connais c'est si gentil هذا واش نعرف ههههههه كملنا الماكلة و جيت خارج للباب لحقني نونو يجري يا ميمو ييا ميمو لحق ليا عصالي واحد الشكارة قالي هاك هذا كادو من عندي قلتلو اله يحفضك على الكادو مي تزيد تقلي ميمو السروال نهبطهولك و زادت جات كاتيا عطاتني واح لبرية قاتلي هاك هذا كادو من عند بابا المهم سلمت عليا و قاتلي لعشية نعيطلك خرجت لقيت موح مازالو البرا ركبت مع موح في الفيسبا و طلعنا للحومة فتحت الشكارة لقيت فيها لاريني لي كان لابسها نونو غير شفها موح بدا يريق هههه عطيتهالو و زدت فتحت لبريا هذيك لقيت فيها 7 ملاين ما امنت حكمتني الدوخة و فشلت هههههه كي شافهم موح قلي هات تشوف 50 الف حق التوصيلة مديتلو 50 الف و درت الباقي في جيبي المهم و صلنا موح روح و انا ثاني طلعت للدار سلمت على لعجوز و دخلت للشمبرا رقدت حتى وين بديت نسمع في يما تعيط هشام هشام نود تفطر وليدي قلتلها فطرت عند كاتيا قتلي اواه اوليدي وقيل السبات لي دخلت فيه هبلك قاتلي من البارح لعشية ونتا راقد بغيت نزيد نكونفيرمي من البارح ما خرجتش قاتلش وي من البارح و نتا راقد لتم عرفت بلي هاذ لحكاية قاع منام -_- fuck my life -_- تكسلت مليح نضت و رحت نفطر
.
.
.
.
.
.
النهاية
ماقدرتش نخمم في نهاية مليحة
المهم رايك في القصة
.
.
.
.
.
.
النهاية
ماقدرتش نخمم في نهاية مليحة
المهم رايك في القصة
التعديل الأخير:
