واحد النهار كنت فالحومة مع موح هذا موح ماشي بنادم كنا نلعبو وحنا صغار طاح من 3 ايطاج و ناض يجري كي لحلوف. ايا كنا قاعدين كارهين حياتنا لا خدمة لا قراية لا دراهم. المهم قالي: هشام راني نعرف واحد في رويبة عندو حانوت باتيسري نروحو ليه بلاك يخدمنا انا قتلو اوكي نروحو. المهم رحنا لاڨر قعدنا نستناو فترا يجي كانت قاعدة قدامنا وحدة قدامنا شعرها صفر و عينيها زروقا المهم شابة بزاااااف. جا ترا طلعنا انا و موح و هديك الطفلة كانت مقابلتنا قعدت غير نخزر فيها عيني ما تحركتش. دار ليا موح و قالي يرحم باباك ملي طلعنا و نتا تخزر فيها روح اهدر معاها. قتتلو: اااو لالا نتا مريض. ومنبعد درت لكوراج ورحت ليها تبسمت وقلتلها: واش cv??? قاتلي oui الحمد لله et vs?? قلتلها الحمد لله سقسيتها وين تسكن قاتلي في بومرداس قلتلها الله يبارك المهم قسرنا شوي ومبعد قلتلها على النيميرو ديالها جبدت ڨالاكسي s5 وقاتلي هاك ماركي نيمرو ديالك انا حشمت نجبد التيليفون ديالي باسكو تضرب بيه حمار يفشل نورمال هههه ايا ماركيت نيمرويا عندها و قلتلها راكي تبيpيلي قاتلي اوكي. المهم لحقنا لرويبة حنا غير هبطنا من ترا قلي موح شوفلي فاميلتها هههه قتلو بلعقل نعرفها ومبعد ساهل الحال. لمهم رحنا لهاذاك السيد لي قالي عليه موح مي ما خدمناش. المهم ولينا للحومة قالي موح كلمها قتلو ماعنديش كريدي قالي روح فليكسي قلتقلو منين جاوني دراهم هههه قالي ريح هنا اني جاي. طلع لدار جابلي 20الف قلي هاك روح فليكسي قلتلو منين جاتك قالي عطاهالي خالي كي ختنت ههههه لتم زدت كونفيرميت بلي موح ماشي بنادم ههه. لمهم قتلو راهي ناقصتنا الف فراك. دبرنا الف فراك و رحت فليكسيت عيتلها و قعدنا نڨسرو قاتلي واسمني كاتيا و في عمري 19 سنة بدات تهدر معايا غير بالفرونسي و انا نقلها غير وي ونو و جو سي هههه هذا واش نعرف المهم بدات تحكيلي على روحها و على دارهم باباها عندو شركة عندهم الدراهم ياو انا قلت وقيلة خرجت من الغرقة ههه المهم فاتو ليامات وليت نتلاقا بيها عرفتني مليح و انا تاني عرفتها ولات تخلص عليا لفظور و تعطيلي دراهم كل خطرة شحال خطرة 100 الف خطرة 200 الف كانت وتهليا فيا ههه و كي نطلع لعشيا لحومة ينحيلي موح 20 الف 30 الف ههههه ل20 الف نتاع لفليكسي هاديك طلعهالي هندي ههههه حتى وحد نهار صونا التيليفون خزرت فيه لقيتها كاتيا رفت عليها قاتلي بونجوغ عمري cv قلتلها انا الحمد لله انتيك قاتلي كاش ما عندك اليوم قلتلها لالا علاش قاتلي papa عرضك لفطور تجي تفطر عندنا انا هنا لساني لحق لتيبيا هههههههخخ و تعقنت هههه قلتلها وحد الساعة و نرجعلك لخبر قاتلي اوكي عيطت لموح قتلو ارواح درك نتلاقاو في الحومة جا قالي واش كاين غير الخير قتلو كاتيا قالي واش بيها ماتت؟؟؟؟ قتلو في راسك يا بو رخسةههههه المهم تلاقينا و قتلو واش صرا قالي يخي هيا عاقلة تحبك و تحبها و عندها الدراهم ههههه قتلو وي قالي مالا روح قتلو مي راني خايف قالي روح برك دير الكوراج عيتلها قلتلها 11:30 نتلاقاو قاتلي اوكي . المهم تلاقينا انا حسابتلي رايحين نمشيو apps حتى جات اvوك كحلة قارات قدامنا فتحت الباب وقاتلي اطلع قلتها كاتيا هادا شكون قاتلي هادا الشيفور ديالي o_0 انا الحق خفت والفشلة حكمتني ديجا انا جامي ركبت اvوك ههههه المهم درت الكوراج وركبت لحقنا للدار هبطنا من الطمبيل قلتلها
.
.
.
يتبع
.
.
.
يتبع
