مين مننا مكنش فى يوم مع شله واصحاب ودلوقتى لما بيفتكر بيقول
كانت ايام حلوه ...؟
طب مين منكم مكنتش فى يوم مع صحباتها ولو ليوم واحد ودلوقتى لما بتفتكر بتقول
كان يوم حلو...؟
اكيد كلناااااااااا قلنا , وبنقول ....
لان اللمه هيا الصحبه هيا الاخوه هيا الصداقه .
هيا المحبه فى الله ولله .
ولو اللمه فيها الاحترام , فيها الثقه , فيها الكلام الهادف , فيها التهريج الراقى ...
اكيد هتبقى احلى
واللى يغيب مننا مين بيسال عنه ...؟ ومين بيلاحظ غيابه ...؟ غصب عننا مشاغل حياتنا بتليهنا حتى عن نفسنا .....
وفى كتير بيفرحوا وفرحتهم بتندفن جواهم لانهم مفتقدين اللى يحس بيهم ..
وكتير بنحس اننا نفسنا نفضفض مع ناس مفيش بينا وبينهم اى مصالح او اغراض
كل دا وغيره وغيره بنحاول يكون هو الهدف من لمتنا ..
اللمه عمرها ما كانت ولا هتكون ملك لفرد
اللمه ملك لكل واحده دخلت وشاركت
حتى الزوار ليهم نصيب فى اللمه .....واللى باتمنى انى اشوفهم وسطنا ...ومعانا
كمان باقول لاى واحدة هتدخل جديد وعاوزة تشاركنااااا
لو حسيتى بالغربه فدا شعور عادى فى الاول ... وكلنا حسينا به ...وهينتهى بمجرد ما تتفاعلى معانا ...وتناقشى , وتعرفينا ..
لكن ثقى تماما انكى ومن اول كلمه هتكتبيها فى لمتنا فتقدرى تعتبرى نفسك واحدة مننا
ومن حق اى حد يقول رائه فى اى حاجه وبراحته طالما ملتزمين بالاحترام والموده اللى بينا
ونبدا نشوف مين معانا فى لمّــــتنا
