خاوتي وخواتاتي لعزاز واللي سنا راح تجتازو امتحان شهادة الباكالوريا
نعطيكم بعض النصائح بناءا على خبرتي في شهادة البكالوريا وعلى عامين متتاليين
اول حاجة لازم تقراو وتحفظو بشوية وماتخلوش الدروس تتراكم عليكم وتقولو حتى للعطلة وللويكاند...
لانو من بعد تلقاو رواحكم عيانين ومشي قادرين تركزو وكي تكثرو على رواحكم حتى لحوايج اللي راجعتوهم وحفظتوهم يروحولكم
ثاني حاجة لازم تقسمو وقتكم وتبعدو على لحوايج اللي يلهوكم كيما التيليفزيو والفايسبوك ويلا ما قدرتوش تبعدو عليه كاين طريقة انا درتها العام اللي فات ونجحت ختي بدلتلي الموت باس نتاع التويتر والفايسبوك نتاعي وعييت كيفاه ندير ومن بعد نسيتهم وتعودت بلا بيهم حتى كملت الباك
الحاجة الثالثة وهي مشي مفيدة وبرك وهي الحفظا الصباح بكري على الربعة ولا الخمسة وكي تتعود تولي نتا تفطن لروحك
ريحو رواحكم وما تخلوش الباك يخلعكم وما تخموش فيه والله ماهو حاجة اللي تستاهل ديرو اللي عليكم ومكتوبكم بيدو سبحانو وتدكرو ديما بلي ربي الحاجة لمليحة جامي ما ينحيهالكم
بالتوفيق ليكم كامل وان شاء الله تديرو بنصائحي وكي تخرج لاليست نتاع الناجحين ترجعو لهدا الموضوع وتبشروني بنجاحكم
يلا حتجتو اي حاجة راني ديما في خدمتكم مايردكم غير لسانكم
خاصة الادبيين
شهادة البكالوريا2016 كلكم ناجحين بإدن الله تعالى
نعطيكم بعض النصائح بناءا على خبرتي في شهادة البكالوريا وعلى عامين متتاليين
اول حاجة لازم تقراو وتحفظو بشوية وماتخلوش الدروس تتراكم عليكم وتقولو حتى للعطلة وللويكاند...
لانو من بعد تلقاو رواحكم عيانين ومشي قادرين تركزو وكي تكثرو على رواحكم حتى لحوايج اللي راجعتوهم وحفظتوهم يروحولكم
ثاني حاجة لازم تقسمو وقتكم وتبعدو على لحوايج اللي يلهوكم كيما التيليفزيو والفايسبوك ويلا ما قدرتوش تبعدو عليه كاين طريقة انا درتها العام اللي فات ونجحت ختي بدلتلي الموت باس نتاع التويتر والفايسبوك نتاعي وعييت كيفاه ندير ومن بعد نسيتهم وتعودت بلا بيهم حتى كملت الباك
الحاجة الثالثة وهي مشي مفيدة وبرك وهي الحفظا الصباح بكري على الربعة ولا الخمسة وكي تتعود تولي نتا تفطن لروحك
ريحو رواحكم وما تخلوش الباك يخلعكم وما تخموش فيه والله ماهو حاجة اللي تستاهل ديرو اللي عليكم ومكتوبكم بيدو سبحانو وتدكرو ديما بلي ربي الحاجة لمليحة جامي ما ينحيهالكم
بالتوفيق ليكم كامل وان شاء الله تديرو بنصائحي وكي تخرج لاليست نتاع الناجحين ترجعو لهدا الموضوع وتبشروني بنجاحكم
يلا حتجتو اي حاجة راني ديما في خدمتكم مايردكم غير لسانكم
خاصة الادبيينشهادة البكالوريا2016 كلكم ناجحين بإدن الله تعالى
التعديل الأخير:
